0 معجب 0 شخص غير معجب
في تصنيف اسأل طبيب بواسطة

تجربتي في زراعة الأسنان بالتفصيل

تجربتي في زراعة الأسنان

لو انت داخل على هذا المقال فغالبا انك انت تحتاج تسمع من شخص عن تجربته في عمليه زراعه الاسنان

العمليه اللي كثير من الناس بيخاف منها وانا كذلك كنت بخاف منها في يوم من الايام

 اهلا وسهلا فيك انا ماجد وفي هذا المقال راح اتكلم معك بالتفصيل عن تجربتي في زراعه الاسنان  ويلا نبدا ونقول بسم الله 

المقال هذا راح يكون عباره عن ثلاثه اجزاء

الجزء الاول: حتكلم فيه عن ما قبل العمليه
الجزء الثاني: حتكلم فيه عن اثناء العمليه
الجزء الاخير:  راح يكون عن ما بعد العمليه

ما قبل العمليه ايش السبب اللي خلاني الجا الى علاج زراعه الاسنان؟؟ اول حاجه انا حالتي كانت عباره عن في عندي سن مفقود وهو اللي حدث كله ان انا اضطريت اني اخلع احد اسناني في المقدمه فبالتالي كان قدامي حلين الحل الاول هو اني اما اعمل كبري او جسر اللي هو عباره عن ثلاثه تركيبات متصله مع بعض التركيبه الاولى والسن الاول والسن الاخير را راح يكونوا عباره عن تركيبه تركب مباشره فين على الاسنان ولكن في المنتصف هو السن اللي راح يملا المكان الفارغ اللي هو مكان السن المخلوع لكن هذا الحل بالنسبه لي كان حل غير جيد بالرغم من انه راح ياخذ تقريبا ثلاث ايام الى اربع ايام بالكثير والتركيبه تكون جاهزه وابتسامة تكون جاهزه الا ان هذا الحل ما ناسبني الصراحه فلجات الى موضوع زراعه الاسنان.

خليني اقلك من البداية زراعه الاسنان يبغى لها طولة بال يعني انت معك تقريبا ست شهور من يوم ما تبدا اول كشفيه عند الدكتور الين ما يركب لك الكراون السن النهائي تقريبا تحتاج الى سته شهور هذه المده ممكن تزيد ممكن تنقص ولكن غالبا انه هي سته شهور اليوم انت حابب تعمل زراعه للاسنان.

كيف تختار طبيب الأسنان المناسب؟


البداية باختيار الطبيب الأفضل، كيف راح تختار الدكتور عندك حاجتين انصحك فيها الحاجه الاولى السمعه الحسنه السمعه الطيبه اسال الناس اللي حوالين انتم هل سبق انكم عملتم زراعه اسنان اذا في احد تعرفه عمل زراعه الاسنان اساله مين هو الدكتور فين م كانان الدكتور كم كلفت الزراعه هل كان عندك اي مشاكل مع الدكتور في التعامل اثناء العمليه؟ كيف كانت التجربه بشكل عام؟ خذ منه هذه التجربه ان نالت اعجابك لو عجبك اسلوب الدكتور احترافيه الدكتور شغل الدكتور النهائي روح واحجز عن الدكتور وشوف ايش يقول لك هذا أولاً.
ثانيا: بامكانك انك الان تدخل مثلا على جوجل ماب تشوف تقييم افضل العيادات الموجوده في المنطقه اللي انت فيها ادخل على خرائط قوقل على نفس العياده روح واقرأ الريفيو شوف ايش بيتكلموا الناس عن الدكتور اللي بيعمل زراعه الاسنان في هذاك المكان انا بالنسبه لي جمعت تقريبا اربعه استشارين وانا انصحك انك ما تعمل العمليه الا عند استشاري زراعه اسنان لكن للاسف الثلاثه ما كانوا موجودين او ما كانوا متاحين في هذاك الوقت واحد منهم كان موعده على اساس بس اني اكشف احتاج شهرين على بال الدكتور يشوفني كان بيدرس في الجامعه وفي نفس الوقت عنده عياده فما كان عنده وقت انه هو حتى يشوفني الطيب الثاني كان خارج السعوديه الطبيب الثالث ما عرفت كيف اوصل له تنقل ما بين العيادات فكان الوصول له صعب فوقع الاختيار الى الدكتور عبد الله جنبي حفظه الله ورعاه رقم صعب في طب الأسنان والجميع يعرف ذلك  دكتور عبد الله جنبي بيعمل في جرين دينت في جده راح احط لكم مكان او الموقع تبع العياده في أول تعليق تحت المقال مباشره وكذلك رابط قناتة في اليوتيوب لتعرفوا عنه اكثر.
العياده عباره عن نقدر نقول فندق ولكن هي اشبه بانها تكون فندق بمجرد ما تخش على هذه العياده تشعر بالراحه النفسيه من اليوم ما تيجي عند الاستقبال تشوف في احترافيه في العمل في لباقه في الاسلوب في الترحيب في الضيافه تجلس على الكرسي راح تشوف في شاشه كبيره فيها ميوزك فيها الاعمال اللي عملوها الاطباء في هذا المجمع ا راح يجيك شخص يضيفك بالقهوه العربيه امان ما تحس انك انت داخل عياده وفي خوف كده وما في روايح تنظيف ارضيات ساعات بنشم في بعض العيادات هناك بتخش بتشم كده روايح طيبه اشياء يخليك من جد انك انت تحت كده، المهم جا موعدي ودخلت على الدكتور وانا عند الدكتور شاف حالتي وعمل لي اشعه مقطعيه قال لي بامكاننا اننا نعمل لك الزراعه امورك تمام وبعدما الدكتور عمل لي الاشعه وخلص من موضوع التشخيص اتفقنا على موضوع السعر.

كم كلفني قيمة زراعة السن ونوع الزراعة؟

كم يكلفني يا دكتور عبدالله؟ قال قيمه الزراعه 8000 ريال سعودي والزراعه راح تكون سترومين سويسريه لا تغرك المسميات والشركات هذه زرعه المانيه هذه زرعه امريكيه هذه زرعه ماني داري ايش المهم هو انك تكون عند طبيب جيد يعرف عمله صح الطبيب الجيد هو اللي راح يحدد نوع الزرعه المناسبه لك لابد انك تكون عارف اذا كان في عندك سن مخلوع سن في له وصله قد كذا يعني هو لازم يتخلع لابد انك انت تحط حاجه هنا بحيث انه ما تصير لك مشاكل مستقبلا ممكن صف اسنانه كله ينعو لانه اصبحت في مسافه لو دخلت على اليوتيوب راح تلقى في دكاتره بيتكلموا على خطوره خلع الاسنان بدون التعويض في المكان المفقود خلصنا الان من ما قبل الزراعه.

موعد زراعة السن (يوم العملية) وشعوري وقتها؟

موضوع يوم العمليه يوم الزراعه بالفعل حددت موعد قمه في التوتر قمه في الخوف انا اليوم راح اكون موجود في عياده اسنان راح تنشق لثتي هههه وتترفع لثتي على فوق العظم رايبان حاشوف شنيور حاشوف مسمار بيخش قمه الرعب انا ما بخوفك من موضوع الزراعه وانه هي مؤلمه اوغير مؤلمه ووا و حتكلم معك عن هذه التفاصيل ولكن ارتاح ارتاح ارتاح بالفعل اخذت بنج وجلست وتوكلت على الله واخذت بنصيحه احد الاشخاص اللي كان يقول لي اذا بتروح تراجع عند اي دكتور اسنان اول ما تجلس على الكرسي قفل عيونك لا تجلس تطالع في ايش الاشياء اللي راح تدخل في فمك بعد ما اخذت البنج قفلت عيني وتوكلت على الله بدا الدكتور يشتغل في فكان بيقول لي لو انت حاس باي حاجه في اي الم في اي ضغط في اي مشاكل فقط ارفع يدك وكلمني انا راح اكون مك خطوه بخطوه فبالفعل كان الدكتور معي خطوه بخطوه الشي المميز في الدكتور عبد الله اللهم صل على النبي خفت يده ما راح تحس باي حاجه فعليا فعليا فعليا ما راح تحس باي حاجه ما راح يوترك حتلقى كميه كبيره من المساعدين اللي معاه يعني مو هو الحاله اللي بيشتغل لا هو بيشتغل ومع دكتور ثاني ومعه مساعدين العمليه ما راح تاخذ منك وقت بسرعه بسرعه ما زالت عن ساعه يعني تقريبا من 40 دقيقه الى ساعه ولكن بخفه اليد انت ما راح تحس باي حاجه فقط راح تحس ممكن حتسمع اصوات حتحس في شيء جالس بيتحرك داخل داخل فمك لكن اللي عليه ال كلام هل انا راح احس بالم مو مشكله احس انه في شيء كده جالس بيدق بيدق دق كده في فمي لكن هل في الم هل في وجع بحس بحاجه والله ما راح تحس باي شيء طبعا هذا الشيء كله في النهايه يرجع الى توفيق الله وانك اخترت الطبيب الجيد.

خلاصة تجربتي وكيف ممكن تستفيد منها عزيزي القارئ؟

المهم يا صديقي العزيز كانت تجربتي مع الدكتور عبد الله في موضوع الزراعه تجربه ولله الحمد موفقه جدا جدا جدا حتى بعد ما خلصت كنت اقول للدكتور يا دكتور انا ل خلعت سني فكنت احس بالم واحس بازعاج والدكتور تعب معاي وانا انسان عندي فوبيا اصلا من الكرسي تبع الاسنان ده فكان يقول لي يعني الحمد لله ولكن هي الخبره الصراحه تلعب دور وانا سعيد انك انت جلس بتتكلم وبتقول لي ايش اللي صار معك يوم ما خرجت ويعني افتكر اني كل الاشخاص اللي اعرفهم واللي بيسووا عمليه زراعه الاسنان كنت اقول لهم روحوا على دكتور عبد الله مباشره فعليا ما راح تحس باي حاجه حالتي كانت تحتاج الى خياطه طبعا مو شرط انك انت اذا رحت تبغى تعمل زراعه اسنان الدكتور لازم يسوي لها خياطه ولكن بعض الحالات تحتاج لها خياطه حتى موضوع الخياطه كانت بسيطه جدا ما كان فيها اي الام وبعد ما خلصت من موضوع الزراعه قمت وكلت على الله ورحت على البيت وقالوا لي خلي معك بنادول خذه كل ست ساعات خذ هذا الجل حطه على موضوع الخياطه اعطوني بغسول فم واعطوني كذلك مضاد حيوي واستمر عليها الى تقريبا ثلاث ايام ولكن ايش اللي صار ما بعد الزراعه الدم مجرد ما نمت وصحيت الحمد لله وقف الدم .

مضاعفات ما بعد العملية؟

طبعا كان حصل معي شيء انه حصل عندي انتفاخ في هذه المنطقه فكنت اشوف انه خدي منتفخ فتواصلت مع الدكتور مباشره لاني خفت  لو كان فيه التهاب او مضاعافات فقال لي طبيعي انه الان الجسم بيبدا يتفاعل مع الزرعه ولكن لا تشيل هم الانتفاخ هذا راح يروح في خلال 48 ساعه اذا ما راح ارجع اتواصل معي بالفعل الانتفاخ اختفى الحمد لله والامور اصبحت من احسن ما يكون الان هل ماجد انت كنت حاسس انه في حاجه موجوده في فكك هل انت حاس بالزرع اللي مغروسه الان في فكك هل انت حاس انه في شيء غريب في جسم غريب موجود الان هنا في الصراحه لا هل كده الموضوع خلاص خلص الدكتور خلص من الزراعه يعني ركب لك السن وقمت من جلسه واحده لان زراعه الاسنان حتاخذ تقريبا سته شهور الين ما الدكتور يركب لك الكرم اللي هو السن النهائي راح تشوف ما هي مراحل او خطوات الزراعه تقريبا هي ثلاثه واربع مراحل المرحله الاولى يوم الزراعه نفسه اللي الدكتور بيحط لك الزرعه نفسها وبيقفل اللثه فبالتالي في هذه المرحله الان الزراعه او الزرعه جالسه تلتئم مع العظم سواء الدكتور اضطر انه يحط لك عظم او كانت امور العظم عندك جيده خلاص انتظر الدكتور الى ثلاث شهور ثم يتاكد من ان الان اللهم لك الحمد الزرعه ملتئمه وماسكه مع العظم بشكل جيد الان بعد كده حتروح على مرحله ثانيه واللي هي يبدا يركب حاجه كده ولكن ما هي سن المرحله اللي بعد كده اللي هي المرحله الاخيره مرحله تركيب الكراون او السن النهائي يعني تقريبا ثلاثه الى اربع مراحل المده من يوم ما تبدا الزراعه اليه ما تنتهي ويكون عندك سن خلاص حتاخذ تقريبا ست ست شهور.

الختام؟

طيب انت الان ايش حتستفيد من هذا المقال اللي انت رح تستفيد منه من هذا المقال هو اني حكيتك عن تجربتي وانها ما كان فيها الم وانها كانت ميسوره وسهله واللهم لك الحمد حتدخل على التيك توك او اليوتيوب او قوقل حتلقى ناس كثير بيتكلموا على الزراعه نفسهم يسووا زراعه ولكن خايفين تكلمت معك بكل بكل التفاصيل انه الموضوع سهل جدا ما في له خوف ما في له الم من ابسط ما يكون وانه ممكن خلع ركز على هذا الكلام خلع السن ممكن يكون في له الم وفي له ضغط اكثر من موضوع الزراعه الزراعه ممكن ما تحس بها نهائيا الان اتمنى انك انت تشارك تجربتي في هذا المقال مع اي شخص عنده سن مفقود اي شخص نفسه ان هو يعمل زراعه الاسنان شارك معه هذا المقال انشر هذا المقال مع اي شخص تعرفه وترى ان تجربتي قد تفيده الله يعطيكم الصحه والعافيه اتمنى اني ما طولت عليكم ولو عندكم اي سؤال او استفسار اكتبوه في التعليقات وشكرا لكم

إجابتك

اسمك الذي سيظهر (اختياري):
نحن نحرص على خصوصيتك: هذا العنوان البريدي لن يتم استخدامه لغير إرسال التنبيهات.

1 إجابة واحدة

0 معجب 0 شخص غير معجب
بواسطة
 
أفضل إجابة

موقع عيادة الدكتور عبدالله حسن جبني على خرائط قوقل من هنا

موقع عيادة قرين دنت لطب الأسنان green dent

لتعرف اكثر عن استشاري طب الأسنان الدكتور عبدالله جبني يمكنك زيارة قناة عل اليوتيوب من هنا

هل تبحث عن حل لمشكلة؟

هل ترغب في استفادة من تجارب الآخرين؟

هل تريد مشاركة خبراتك مع الآخرين؟

منصة "اسأل مجرب"، أكبر مجتمع لتبادل الخبرات والتجارب في العالم العربي!

  • البحث عن تجارب مشابهة لتجربتك.
  • مشاركة تجربتك مع الآخرين.
  • طرح الأسئلة على خبراء حقيقيين.
  • الاستفادة من تجارب الآخرين.

انضم إلينا اليوم لتكون جزءاً من هذا المجتمع الملهم

اسئلة متعلقة

...